AGIOSYMANDRUM

AGIOSYMANDRUM

Graecis recentioribus aliisqueve Christianis sub Turcia tyrannide degentibus, dicitur instrumentum ligneum, quod campanae locô, in convocandis coetibus, adhibere coguntur; cum campanarum usus, ne forte sonô earum ad rebellionem homines concitentur, a Turcis prohibitus sit. Ab ἅγιος, Sanctus et σημάνω, significo, quasi Α᾿γιοσήμαντςον, sacrum lignum, Cuiusmodi lignea instrumenta Veteribus iam in Orientali Ecclesia fuisse in usu, docet Macer ex Synod. VII. ubi dicitur de Anastasii martyris reliquiis: Cum sanctae civitati (Caesariae) reliquiae appropinquâssent, omnibus ea res fuit declarata et significata. Itaque laetitiâ magnâ profusi omes surgentes subito, ligneaque sacra pulsantes invicem obvii facti sunt. Sed in funeralibus tantum fuisse adhibita, colligunt quidam ex Caesario l. 1. c. 4. ubi ait: Percussaque tabulâ, cum tam Abbas, quam ceteri Fratres, ad eius exsequias conulâssent, etc. Vide eundem Macrum in Campana, et infra, in Simandrum.